Ұлытау облысындағы «Қазақмыс» кенішінде тағы бір кенші көз жұмды, деп хабарлайды Malim.kz.
19 наурызда Ұлытау облысында орналасқан Шығыс-Жезқазған кенішінде жазатайым оқиға болған. «Қазақмыс» компаниясы мәліметінше, №57 шахтада тауар-материалдық құндылықтарды түсіру кезінде 1994 жылғы жұмысшы жүк оқпаны алаңындағы саңылауға құлап кеткен.
Оқиғаның мән-жайы мен себебі анықталуда, жазатайым оқиғаны тергеу бойынша арнайы комиссия құрылды.
«Қазақмыс» компаниясының басшылығы мен ұжымы марқұмның жақын туған-туысқандарына қайғыларына ортақтасып, көңіл айтады. Қаза тапқан жұмыскердің отбасына ұжымдық шартта қарастырылған барлық қажетті көмек көрсетіледі, оның ішіне жерлеу шығындары да кіреді,- делінген хабарламада.
2025 жылы 18 ақпанда ТЖМ жеті жұмысшы қаза тапқанын, олардың жеке басын анықтау үшін сараптама жүргізілетінін хабарлады.
«Жомарт» кеніші Жезқазған қаласынан оңтүстік-шығысқа қарай 130 шақырым жерде орналасқан. Онда мыс сульфиді өндіріледі. Ал «Қазақмыс» корпорациясының ірі акционері - Kazakhmys Copper.
Фото: istockphoto.com
Байланысты жаналықтар
MalimBlocks
